ڄام خان شورو

شورو، ڄام خان: بلديات کاتي جو اڳوڻو صوبائي وزير ڄام خان شورو ولد ديدار حسين شورو، 5 مارچ 1982ع تي حيدرآباد جي تعلقي قاسم آباد ۾ درياهه جي ڪپ تي سندس ڏاڏي جي نالي سان قائم ٿيل ڳوٺ ‘ڪرن شوري’ ۾ پيدا ٿيو. سندس ڏاڏو ڪرن خان شورو، حيدرآباد جي مشهور سماجي شخصيتن مان ڳڻيو ويندو آهي، جڏهن ته چاچو نور محمد شورو پڻ شهر جي سياسي ۽ سماجي حلقن ۾ سرگرم هئڻ سبب قاسم آباد تعلقي جو ناظم پڻ رهي چڪو آهي. ڄام خان شوري جي تعليم بي.ڪام ۽ ايل. ايل. بي آهي.
2013ع ۾ پ پ پ جي ٽڪيٽ تان PS-47 جي تڪ تان صوبائي اسيمبليءَ (سنڌ) جو ميمبر منتخب ٿيو. سيد قائم علي شاهه جي ڪابينا ۾ پاڻ ‘چوپايي مال (Live Stock) ۽ ماهيگيري (Fisheries)’ کاتن جو وزير رهيو. پاڻ ‘مڪاني کاتي’ جو پڻ وزير ٿيو. ڄام خان شورو هن وقت حيدرآباد ۾ رهائش پذير آهي.

داخلا ۾ استعمال ٿيل تاريخون

1982.03.05  عيسوي

بلديات کاتي جو اڳوڻو صوبائي وزير ڄام خان شورو ولد ديدار حسين شورو، 5 مارچ 1982ع تي حيدرآباد جي تعلقي قاسم آباد ۾ درياهه جي ڪپ تي سندس ڏاڏي جي نالي سان قائم ٿيل ڳوٺ ‘ڪرن شوري’ ۾ پيدا ٿيو.

شخصيتون - ڀاڱي جون ٻِيون داخلائون